بقلوبنا سلطان ثابت عطاءه=مثل الشجر لو مات باقي ظلاله
حر شهر من رجم عانق فضاءه=من ماكر مشهور راسه وجاله
ماكر حرار تجول عالي سماءه=مطلاعهن لوكان يبعد تناله
ماكر فخر بالعون راسي بناءه=بامر الولي المعبود جل جلاله
بقلوبنا سلطان ثابت عطاءه=مثل الشجر لو مات باقي عطاءه
لك ياخو نوره فعل ينمو ثناءه=وقولك فخر لاجيال صادق مقاله
ولك يابو خالد مجد واضح نداءه=في مسمع التاريخ فخر وشكاله
اقسم برب البيت لو كان داءه=جسمي يشيله عنه شاله بساله
ولو القدر والموت جايز شراءه=بارواحنا نشريه من قبل ماله
ودام القدر مكتوب يبقى اشاءه=اشاءة المعبود لخلقه لحاله
نحزن نعم والخوف نرمي رداءه=ومنا عظيم ان راح يظهر مثاله
ولك يابو متعب شعب صادق ولاءه=حق علينا فرض ماهو جماله
بعد الولي لك فرض باقي وفاءه=ونايف سند وان شال حمل ارتكاله
بقلوبنا سلطان ثابت عطاءه=دام الوفي سلمان وخالد بقا له
العرض الشجري
