قبيلة العرماني - تدري وش اكثر مايهين الرجاجيل ــــ دمعة غلا في واحد ماحشمها

ياهيه ياللي لك قلبت المكاييل
وارخصت نفسي لك وربي عصمها

ياللي على باب الاسى والغرابيل
رسمت روحي مخترقها سهمها

ورسمت غربت فاقد النوم ياليل
ودمع العيون اللي تزايد نهمها

وعلى امل يمكن تزين المقابيل
حطيت نفسن يعتصرها المها

حرقتها حرق اللهب للمعاميل
لين استوت من بعد رمد فحمها

تدري وش اكثر ما يهين الرجاجيل
دمعة غلا في واحدن ماحشمها

وتدري وش اصدق حب من غير تهويل
اللي ضلوعي لاجل حبك وسمها

وتدري من اكذب من علوم التماثيل
شف صورته بمرايتك من رسمها

جيتك عطا قدر وغلا والمحاصيل
اقرض اصابيع الندم والتهمها

مدري متى تصحى قلوب المهابيل
اللي مثل قلبي غلاها غنمها

تجور واصفح واحسن الضن وتميل
وانسى الالم مع بسمتن تبتسمها

ــــــــــ