قبيلة العرماني - طلبتك يا زمن وقف قبل ما تنهي أيامي

قبيلة العرماني (https://www.arman-azd.net/vb/)

- مجلس الأدب ( شعر ، نثر ، قصص ) (https://www.arman-azd.net/vb/a-12/)

- - طلبتك يا زمن وقف قبل ما تنهي أيامي (https://www.arman-azd.net/vb/a-12/a-5442/)

طلبتك يا زمن وقف قبل ما تنهي أيامي

طلبتك يا زمن وقف قبل ما تنهي أيامي
بعيش اللي بقى من عمري ترى باقي أمل فيني

عدمت الفرحة في عيني و بعد ناوي على إعدامي
حرام تسوي كل هذا ترى اللي فيني يكفيني

أشوف و ما أشوف إلا عذاب بداخلي حامي
يجي أحيان يخليني بغيبوبة و ينهيني

أبي مره و لو مره أشوف الفرحة قدامي
و لكن وينها الفرحة أموت و ما تعزيني

قضى عمري و انا أعطي غيري بالفرحة و انا ضامي
أفرحهم و أجاملهم و انا بحر الحزن فيني

كبيرة حيل طعناتي و كبيرة ارماحي و اسهامي
أطيح و رافع ٍ إيدي أبي أحد ٍ يقويني

أبي أي شخص يفهمني و يواسي جرحي الدامي
أجي كل يوم متضايق و أبي من يواسيني

ملامح وجهي عطاها الشقى و الهم و اوهامي
كأن الوقت في عمري خلق ضيقة تخاويني

أجي بك يا زمن أركض أسابق خطوة أقدامي
و مصيبة يوم انا جيتك من الأحزان تسقيني

وصلتك يا زمن ميت أبي تجمع لي احطامي
وصل لرحمتك و أنت و ضميرك لا تخليني

و ربي قمت احس إن الألم يفرح بآلامي
و حتى أصابعي بيدي تساوت عندي بعيني