|
يلعن أمك ] أصبحت مدحة عام2012 هُناك موضوع شدني ونحن في غفلة .. ما تلاحظون كلمة [ يلعن أمك ] إنتشرت إنتشار مريب .. وصار اللي يقولها عااادي جدآ .. كانه قايل [ السلام عليكم ] ..! و الأغرب إن اللي تنقال له عادي عنده ..!! كيف ترضى على أمك ؟! و ليش ؟! و حتى بعض البنات اللحين بالعكس صارت عندهم يلعن أمك مدحه ..!! أو هذا تعبير عن الحماس في سالفة ما ! مثلآ .. يجي واحد يقول : والله أمس سويت كذا وسويت كذا .. يجيك الثاني يقول : يلعن أمك ياشيخ ..!! و إذا قال له : [ يلعن أمك ] مدّ هالخشه شبرين كأنه قايل له شعر يمدحه ..! و إلاّ بعض الشباب .. واحد يسأل الثاني : وش رايك باللاعب الفلاني ..؟ يقول : يلعن أمممممممممه يلعب من جد ..! طيب أبي أفهم .. وش دخل أمه بالموضوع ..؟! للأسف الشديد إن الكلمة هذي منتشره عندنا إنتشار كبير .. و الآن حاصله مع الشباب في جلساتهم .. فلان: وينك أمس يلعن أمك ؟ علان: أبد رحت مع فلان الله يلعن أمه . فلان: ليه ماقلتلي إنك بتروح معه الله يلعن أمك أنت ويّاه ؟ علان: وش دراني إنك بتروح يلعن أمك ! فلان: ههههههههههههههههه . علان: هههههههههااااااااي . ولا كأنه صار شي !! وللأسف إنها تقريبآ أكثر كلمة تنقال هالأيام .. وكم واحد تسأله عن هالكلمه .. بيقول لك : صارت عاده ..! هذا جواب اقبح من ذنب .. مافيه شي تتعود عليه وإنت تدري انه موب زين ولا تقدر تخليه ..! يمكن إنت تغفل أو تتغافل عن الذنب اللي تحصله من هالكلمه ..! بس لا تنسى و إنت تقول هالكلمه أنك تسوي شيء من الكبائر .. أنت تخيلت معي ..؟! كبائر الذنوب ..!! صحّ عنه صلى الله عليه وسلم أنه قال { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم . ماهي آرآئكم ..؟ ماهي الحلول لهذه المشكلة الخطيرة ..؟ يعني لهالدرجه مافيه إحترام ولا تقدير للأم ..؟! |
رد: يلعن أمك ] أصبحت مدحة عام2012 للأسف هذا حال بعض الشباب الغير مبالي اشكرك اخي على مواضيعك البناءه والهادفه بورك فيك وبما طرحته لنا من مواضيع |
رد: يلعن أمك ] أصبحت مدحة عام2012 هذي السبه او المدحه على قولك من قبل 2012 موجوده وانتشارها لايعني عدم احترام الام ولكن استسهال واستهانة باللعن والحل في رايي التنبه والتناصح افضل حل تقريبا كيمو تقبل مروري |
رد: يلعن أمك ] أصبحت مدحة عام2012 |
رد: يلعن أمك ] أصبحت مدحة عام2012 كلمة منتشرة بكثرة اعاذنا الله من التعود على نطقها واستسهال تداولها السبب في انتشارها انعدام التوجيه والجهل بمعنى اللعن ؟! الحل كثرة التوجيه والتعريف بهذه الكلمة وعدم الاستخفاف فيها الله يعطيك العافيه على الطرح المفيد |
رد: يلعن أمك ] أصبحت مدحة عام2012 كلام صحيح المقحم http://www2.0zz0.com/2011/05/25/12/832090526.gif |
رد: يلعن أمك ] أصبحت مدحة عام2012 للاسف احنا كل مالنا للاسواوليس للافضل والسب صار مدح والمدح اصبح نفاق |
رد: يلعن أمك ] أصبحت مدحة عام2012 للاسف كلامك صحيح في السب صار مدح وفي الكلام اللي يدل ع الاخلاق معناتو تتكلم برسمية ومايعجبهم |
| الساعة الآن 05:13 AM |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd
الحقوق محفوظة لمنتدى قبيلة عرمان الرسمي 2020م
HêĽм √ 3.1 BY: ! ωαнαм ! © 2010