قبيلة العرماني - الحلا والملح الشاعر عوض القوانة ::

الشاعرعوض القوانه العازمي ,
يغرق بتفاصيل عشقه ليخرج لنا بهذه الجوهرة الشعرية الثمينة
وانا من المتابعين لقصائدة عبر مجله المختلف :
في زمن المجلات .... والحماس لمتابعتها عدد عدد....

يا نسا نيس الغلا اللي عطرت كل الزوايـا

بلغي حبـي وشوقـي للعنـود الغشمريـه

معك أمانة يا هبايب نجـد وديهـا التحايـا

بلغيهـا بالـسـلام وبلغيـهـا بالتحـيـة

الهنوف اللي حلاها غيرعن كـل الصبايـا

فتنـة تسحرملامحهـا طفولـيـه بـريـه

جادل من جابها الله مامشت درب الخطايـا

شيخه وبنت الشيوخ أهل ألوفا وأهل ألحميه

فتنة تمشي على القـاع وغلاهـا فالحنايـا

الله أعطاها الحلا والملح من عنـده عطيـه

خصها بالزين خلاق الملا جـزل العطايـا

مـا بقـا للزيـن عنهـا لاكثيـر ولابليـه

ويش أقول ويش اخلي فالوصوف وفالخلايا

حسنها وهيه من المعبـود خـلاق البريـه

وجهها مثل القمرفيه اجتمع حلـو المزايـا

والخدود مـوردة فيهـا جمـال وجاذبيـه

والعيون مكحله والموت في حمر الشفايـا

واهني اللي بعينـه مـا نظرهـا واهنيـه

جيتها حبي وشوقي وأجمل أيامـي هدايـا

واهدت الخفاق جرح وحيت راجع بالهديـه

جيتها رويان شوق ورحت وعروقي ظمايا

عقبت لي فوق كبدي كية مـن فـوق كيـه

رحت منها والوله والشوق سوابي سوايـا

زادت حروق الخفوق ونقضت جرحي عليه

في خيالي باقي من صـورة اللقيـا بقايـا

أتخيلهـا واهيجـن باللحـون ألسامـريـه

يالهنوف الفاتنـة يابنـت قـادات السرايـا

لاتجافينـي دخيـل الله بلاذنـب وخطيـه

لاتزيديـن الجـروح ولاتعرقيـن الكوايـا

ما لغيـرك فـي حياتـي ياحياتـي قابليـه

فعلا ( أنتي جوهرة ) مالك شبيه فالبرايـا

بنت عـز وتستحقيـن الحيـاة المخمليـه

نشرة في مجلة المختلف العدد ( 187 فبراير 2007 )

م ن