قبيلة العرماني - عرض مشاركة واحدة

01-13-2012, 06:08 AM

قصيدة سر يا قلم

. سر يا قلم واكتب على البيض مكنون
نظم ٍ على بيض الصحايف يوفيها
أبيات شعرٍ صافية لو يعرفون
أوصاف بنتٍ والحلا زايدٍ فيها
بنت ٍ جميلة كلها زين وفنون
تملك وصايف حسْن ربي يخليها
من زينها صاب القلم مسّ و جنون
يكتب و يرسم صوت لحنٍ يغنيها
الها عيونٍ فاتنة سحر و تمون
الكل ودّه لو تآمر يراضيها
في قدها فتنَة حِسِنْ بيت موزون
عزّة نسب منهو بيقدر يوازيها ؟
تأمر و تنهى ..و اتّعلّى كما مزون
أو نجمةٍ صعبه على العين تضويها
بنت الرجال و فعل بالحمد ميمون
أقوالهم وأفعالهم من يجاريها ؟
يا الله ترحم قلب بالحب مسكون
من يوم ما شاف زينٍ يحلّيها
زينٍ على أخلاق و الحبّ مشجون
حبها بقلبي حيّ .. كله يماريها .