الله على اللي اليا فريـــــت مفتاحه::: قبل اشتغاله يشوق العيـــن طبلـــونه جيب اخطوطه على الجنبين لواحه::: مثل الذهب لاعترض لمعة شطرطونه تشدى لحر كتف من عقب مرواحه::: يبي العشا يوم شاف الصيد بعيـــونـه والليت زينون يشادي بروق لواحه::: ضوحه كما الليزر اللي يبهرك لــونه لا عد ميـــه على ميــه بمســراحه::: من الرساوه تقل يمشي عـلى هونــه هو منوة اللي بعيــد الدار مشواحه::: لاصار مبطي ووده شــوف مضنونه ينصا لمنهو بطيبه لابس وشاحـــه::: من بعد منهو يحـوم الطير من دونه ان قلت هالطيب طبعه قلت مسباحه::: العلم والمجد والمــدات والعــــونــه قصيدتي لو سمعها مشرف الساحه::: اجازها معجــب بالطرق ولحونــــه ولو قدمت عند لجنة شاطي الراحه::: تبي تنافس على البيرق ومليـونــه
هذه القصيدة رائعة من روائعك الكثيرة
صح لسانك يامحمد سالم وتسلم يمناك
ولاحرمنا الله من عطاءك المتدفق
العرض العادي
